25. mai
Urbanus er den tradisjonelle nemninga på denne dagen i dei gamle almanakkane. Dette var ein kyrkjeleg høgtidsdag og minnedag for pave Urbanus I (222-230) i katolsk tid. Ein kjenner lite til denne paven. Pontifikatet hans, den tida han styrde som pave, fall i ei roleg tid, mellom kristendomsforfylgingar.
Mange stader i landet var godt vêr denne dagen eit godt teikn for korleis sommaren ville bli. I Vest-Agder heitte det fleire stader at om det var vind denne dagen, blei det tome neter.
SAM
Kjelder:
Brynjulf Alver. Dag og merke. Oslo 1970
Johan Jerstad: Fjotland. Sogebok. Fjotland 1949